बुढीगण्डकी नदीमा आएको बाढी प्रभावित नागरिकलाई लक्षित गर्दै आरुघाटबाट गोरखासम्म छिट्टै निःशुल्क सार्वजनिक बस सेवा सञ्चालन गरिने भएको छ।
गृहमन्त्री सुधन गुरुङले सामाजिक सञ्जालमार्फत यसबारे जानकारी दिएका हुन्।
गृहमन्त्री गुरुङका अनुसार बाढीपछिको उद्धार र राहत कार्यलाई तीव्र पारिएको छ। जसअन्तर्गत हालसम्म विभिन्न स्थानबाट ४७ जनाको सकुशल उद्धार गरिएको छ।
विज्ञापन
बाढी प्रभावित क्षेत्रमा पहिलो चरणको राहत सामग्री बोकेका ३ वटा ट्रकहरू पठाइसकिएको मन्त्री गुरुङले जानकारी दिएका छन्।
यस्तै, बाढीका कारण अवरुद्ध भएको सडक तथा यातायात तत्काल सुचारू गर्नका लागि बेलीब्रिज जडानलगायतका आवश्यक तयारीहरू भइरहेको उनले बताए।
प्रतिक्रियाहरू
कृपया सभ्य र मर्यादित भाषामा प्रतिक्रिया दिनुहोस्। अपमानजनक, मानहानिकारक वा घृणा फैलाउने प्रतिक्रियाहरू हटाइनेछन्।
अहिलेसम्म कुनै प्रतिक्रिया छैन। आफ्नो विचार राख्ने पहिलो व्यक्ति बन्नुहोस्।