नेपाली कांग्रेसको १५औँ महाधिवेशनअन्तर्गत जारी मतगणनामा केन्द्रीय उपसभापति र महामन्त्रीका विभिन्न पदमा उम्मेदवारहरूले अग्रता लिएका छन्। ३ हजार ४३५ मतगणना हुँदा खुला उपसभापतिमा डा. चन्द्रकान्त भण्डारी र खुला महामन्त्रीमा प्रदीप पौडेलले अग्रता लिएका छन्।
खुला उपसभापतिमा भण्डारीले १ हजार ६८६ मत प्राप्त गरेका छन्। उनका निकटतम प्रतिस्पर्धी इन्जिनियर मधु आचार्यले १ हजार ९० मत पाएका छन्। त्यस्तै, सुरेन्द्रराज पाण्डेले ९५५, गोविन्द भट्टराईले ९४१, धनराज गुरुङले ७१९, दीपक गिरीले ४९७ र प्रा. डा. चन्द्रमोहन यादवले २९९ मत प्राप्त गरेका छन्।
समावेशी उपसभापतितर्फ विनोदकुमार चौधरीले ८९६ मतसहित अग्रता लिएका छन्। जीवन परियारले ८२९, फरमुल्लाह मन्सुरले ४६९, रञ्जित कर्णले २७० र सीता गुरुङले २५१ मत प्राप्त गरेका छन्।
खुला महामन्त्रीमा प्रदीप पौडेलले २ हजार ५५ मत प्राप्त गर्दै अग्रता कायम गरेका छन्। उनका प्रतिस्पर्धी उदयशमशेर राणाले १ हजार १५९ मत पाएका छन्। डा. सुनिलकुमार शर्माले ९३४, अमरसिंह पुन मगरले ८१९, गुरुराज घिमिरेले ६७८, नैनसिंह महरले ४२८, शंकर तिवारीले ८२ र डा. सन्तोष उपाध्यायले ४९ मत प्राप्त गरेका छन्।
महिला महामन्त्रीतर्फ डा. डिला संग्रौला (पन्त) ले १ हजार ५१७ मत प्राप्त गर्दै अग्रता लिएकी छन्। महालक्ष्मी उपाध्याय (डिना) ले १ हजार ३९८ र रीता खनालले ३६५ मत प्राप्त गरेकी छन्।
मतगणना जारी रहेकाले उम्मेदवारहरूको अन्तिम नतिजा आउन बाँकी छ।
नेपाली कांग्रेस १५औँ महाधिवेशन ३ हजार ४३५ मतगणना
केन्द्रीय उपसभापति (खुला)
१. डा. चन्द्रकान्त भण्डारी — १,६८६
२. ई. मधु आचार्य — १,०९०
३. सुरेन्द्रराज पाण्डे — ९५५
४. गोविन्द भट्टराई — ९४१
५. धनराज गुरुङ — ७१९
६. दीपक गिरी — ४९७
७. प्रा. डा. चन्द्रमोहन यादव — २९९
केन्द्रीय उपसभापति (समावेशी)
१. बिनोद कुमार चौधरी — ८९६
२. जीवन परियार — ८२९
३. फरमुल्लाह मंसुर — ४६९
४. रंजीत कर्ण — २७०
५. सीता गुरुङ — २५१
केन्द्रीय महामन्त्री (खुला)
१. प्रदीप पौडेल — २,०५५
२. उदयशमशेर राणा — १,१५९
३. डा. सुनिलकुमार शर्मा — ९३४
४. अमरसिंह पुन मगर — ८१९
५. गुरुराज घिमिरे — ६७८
६. नैनसिंह महर — ४२८
७. शंकर तिवारी — ८२
८. डा. सन्तोष उपाध्याय — ४९
केन्द्रीय महामन्त्री (महिला)
१. डा. डिला संग्रौला (पन्त) — १,५१७
२. महालक्ष्मी उपाध्याय (डिना) — १,३९८
३. रीता खनाल — ३६५
प्रतिक्रियाहरू
कृपया सभ्य र मर्यादित भाषामा प्रतिक्रिया दिनुहोस्। अपमानजनक, मानहानिकारक वा घृणा फैलाउने प्रतिक्रियाहरू हटाइनेछन्।
अहिलेसम्म कुनै प्रतिक्रिया छैन। आफ्नो विचार राख्ने पहिलो व्यक्ति बन्नुहोस्।