भासिएर अवरुद्ध बनेको पृथ्वी राजमार्ग दुईतर्फी सञ्चालनमा

त्रिशूली नदीको कटानका कारण भासिएर अवरुद्ध बनेको पृथ्वी राजमार्ग दुईतर्फी रूपमा सञ्चालनमा आएको छ।

धादिङको गजुरी गाउँपालिका-५ गलौदीस्थित सडक खण्ड आइतबार दिउँसो ३:१० बजेदेखि पूर्ण रूपमा सञ्चालनमा आएको हो।

नदीको तीव्र कटानले सडक भासिएपछि राजमार्गमा सवारी आवागमन ठप्प भएको थियो। अवरोध हटेसँगै रोकिएका सवारीसाधनहरू गन्तव्यतर्फ लागेका छन्।