प्रधानमन्त्री तथा मन्त्रिपरिषद्को कार्यालयअन्तर्गतको सफ्टवेयर विकास तथा सञ्चालन केन्द्रले सूचना प्रविधिसम्बन्धी १५ पदमा विज्ञ माग गरेको छ।
केन्द्रले प्रमुख प्रविधि विज्ञ, प्रोजेक्ट म्यानेजर, सिस्टम एनालिस्ट, डेभलपर, साइबर सुरक्षा विज्ञ र टेक सपोर्टलगायत पदमा आवेदन खुलाएको हो। पदअनुसार मासिक ४० हजारदेखि दुई लाख ५० हजार रुपैयाँसम्म पारिश्रमिक तोकिएको छ।
प्रमुख प्रविधि विज्ञ र प्रोजेक्ट म्यानेजरका लागि सूचना प्रविधिसम्बन्धी विषयमा स्नातकोत्तर तथा अन्य पदका लागि स्नातक तह उत्तीर्ण गरेको हुनुपर्नेछ। पदअनुसार सम्बन्धित अनुभव र प्राविधिक सीप पनि आवश्यक पर्नेछ।
इच्छुक नेपाली नागरिकले कात्तिक १८ गतेसम्म केन्द्रको वेबसाइटमार्फत अनलाइन आवेदन दिन सक्नेछन्। उम्मेदवारको छनोट पदअनुसार शैक्षिक योग्यता, अनुभव, प्रस्तुतीकरण, प्रयोगात्मक परीक्षा र अन्तर्वार्ताका आधारमा गरिनेछ।
प्रतिक्रियाहरू
कृपया सभ्य र मर्यादित भाषामा प्रतिक्रिया दिनुहोस्। अपमानजनक, मानहानिकारक वा घृणा फैलाउने प्रतिक्रियाहरू हटाइनेछन्।
अहिलेसम्म कुनै प्रतिक्रिया छैन। आफ्नो विचार राख्ने पहिलो व्यक्ति बन्नुहोस्।