पूर्वपश्चिम राजमार्गअन्तर्गत सुनसरी सदरमुकाम इनरुवा वडा नं. ४ स्थित बसचोकमा शनिबार अपराह्न दुर्घटना हुँदा श्रीमतीको मृत्यु भएको छ। दुर्घटनामा परि श्रीमान् घाइते भएका छन्।
लु २ ख ६९१२ नम्बरको ट्रकले को २५ प २७४९ नम्बरको मोटरसाइकललाई ठक्कर दिँदा मोटरसाइकलमा सवार इनरुवा-९ बबियाकी ५० वर्षीया रीतादेवी यादवको मृत्यु भएको हो। सिकिस्त घाइते यादवलाई उपचारका लागि जिल्ला अस्पताल इनरुवा लगेर उपचार प्रारम्भ गर्नेबित्तिकै मृत्यु भएको जिल्ला प्रहरी कार्यालय सुनसरीका प्रहरी निरीक्षक हेम ओलीले बताए।
दुर्घटनामा मोटरसाइकल चालक रीतादेवीका श्रीमान् ५५ वर्षे शम्भुप्रसाद यादव घाइते भएका छन्। उनको जिल्ला अस्पताल इनरुवामै उपचार भइरहेको छ। उनको दाहिने खुट्टा र हातमा चोट लागेको छ। प्रहरीले ट्रकसहित चालक नवलपरासी बर्दघाट नगरपालिका वडा नं. ४ का ४८ वर्षे बेदप्रसाद भट्राईलाई नियन्त्रणमा लिएर अनुसन्धान थालेको छ।
प्रतिक्रियाहरू
कृपया सभ्य र मर्यादित भाषामा प्रतिक्रिया दिनुहोस्। अपमानजनक, मानहानिकारक वा घृणा फैलाउने प्रतिक्रियाहरू हटाइनेछन्।
अहिलेसम्म कुनै प्रतिक्रिया छैन। आफ्नो विचार राख्ने पहिलो व्यक्ति बन्नुहोस्।