‘बाटुलो जुन’ को ‘मेरो मन चोर्यौ सुटुक्कै’ सार्वजनिक

भुवन केसीको निर्देशन तथा अभिनय रहेको चलचित्र ‘बाटुलो जुन’ को पहिलो गीत ‘मेरो मन चोर्‍यौ सुटुक्कै’ घटस्थापनाको अवसर पारेर सार्वजनिक भएको छ।

गीतमा युग भुसालको शब्द तथा सङ्गीत, तृषा चटर्जी र हिमांशु जान शर्माको स्वर छ। म्युजिक भिडियोलाई विक्रम स्वारले कोरियोग्राफी गरेका हुन्।

गीतमा देखिने आकर्षक खोला किनार, घुम, डन्डिबियो र मकैघारी जस्ता छायांकनस्थलले दर्शकलाई पुरानो समयको सम्झना गराउँछ।

विज्ञापन

गीतमा मुख्य दुई कलाकार, नायक अनमोल केसी र डेब्यु अभिनेत्री प्रिन्सी खतिवडा फिचर्ड छन्। यसअघि चलचित्रको ट्रेलर तथा टिजरले राम्रो चर्चा पाएको थियो।

भुवन केसीको दोस्रो निर्देशकीय भूमिका रहेको यस चलचित्रमा भुवन केसी र गरिमा पन्तको पनि अभिनय छ। चलचित्रमा राजेश श्रेष्ठको छायाङ्कन, कृष्ण भण्डारीको सम्पादन, रोमन बज्राचार्यको पाश्र्व सङ्गीत रहेको छ।

सामीप्यराज तिमल्सेना र सरिन पोखरेलको लेखन रहेको यो चलचित्र कार्तिक २६ देखि प्रदर्शको तयारीमा छ।