जेनजी आन्दोलनका क्रममा भदौ २४ गते फरार भएका जबरजस्ती करणी मुद्दाका एक कैदीलाई प्रहरीले पक्राउ गरेको छ।
पक्राउ पर्नेमा काभ्रेको मण्डनदेउपुर नगरपालिका–१ घर भई काठमाडौंको गोकर्णेश्वर नगरपालिका–२, सुन्दरीजल बस्दै आएका ३० वर्षीय राज सुन्दर तामाङ रहेका छन्।
जिल्ला प्रहरी परिसर काठमाडौंका अनुसार तामाङ जबरजस्ती करणी मुद्दामा नख्खु कारागारमा कैद भुक्तान गरिरहेको अवस्थामा २०८२ भदौ २४ गतेको घटनाका क्रममा फरार भएका थिए।
विज्ञापन
प्रहरी प्रभाग सुन्दरीजलबाट खटिएको टोलीले उनलाई २०८३ असोज ३१ गते बिहान ११ बजे गोकर्णेश्वर नगरपालिका–२, सुन्दरीजलबाट पक्राउ गरेको हो।
पक्राउपछि तामाङलाई थप कैद भुक्तानका लागि सोही दिन ललितपुरस्थित नख्खु कारागार पठाइएको जिल्ला प्रहरी परिसर काठमाडौंले जनाएको छ।
प्रतिक्रियाहरू
कृपया सभ्य र मर्यादित भाषामा प्रतिक्रिया दिनुहोस्। अपमानजनक, मानहानिकारक वा घृणा फैलाउने प्रतिक्रियाहरू हटाइनेछन्।
अहिलेसम्म कुनै प्रतिक्रिया छैन। आफ्नो विचार राख्ने पहिलो व्यक्ति बन्नुहोस्।