बर्दियाको गेरुवा नदीमा माछा मार्ने क्रममा गोहीको आक्रमणमा परेकी ५१ वर्षीया पुष्पा लामिछानेको मृत्यु भएको छ।
मधुवन नगरपालिका-३ की लामिछानेलाई शुक्रबार दिउँसो करिब २ बजे नदी किनारमा माछा मारिरहेको अवस्थामा गोहीले अचानक आक्रमण गरी बेपत्ता बनाएको थियो।
नदीमा गोहीले मानिसको टाउको च्यापेर हिँडिरहेको स्थानीयले देखेपछि तत्काल प्रहरीलाई खबर गरेका थिए।
विज्ञापन
घटनालगत्तै इलाका प्रहरी कार्यालय राजापुर, इलाका प्रहरी कार्यालय ढोढरी, सशस्त्र प्रहरी बल राजापुर, नेपाली सेना र बर्दिया राष्ट्रिय निकुञ्जको संयुक्त टोली डुङ्गासहित उद्धार तथा खोजतलासका लागि परिचालन भएको थियो।
सुरक्षाकर्मीको टोलीले निरन्तर खोजी गर्ने क्रममा शुक्रबार राति साढे १० बजे नदीमा तैरिरहेको अवस्थामा लामिछानेको शव फेला पारेको प्रहरीले जनाएको छ।
प्रतिक्रियाहरू
कृपया सभ्य र मर्यादित भाषामा प्रतिक्रिया दिनुहोस्। अपमानजनक, मानहानिकारक वा घृणा फैलाउने प्रतिक्रियाहरू हटाइनेछन्।
अहिलेसम्म कुनै प्रतिक्रिया छैन। आफ्नो विचार राख्ने पहिलो व्यक्ति बन्नुहोस्।