बंगलादेश : रिसोर्टमा १० जनाको मृ`त्यु, चार घाइते

बंगलादेशको दक्षिणपूर्वी क्षेत्रमा पर्ने कक्स बजार जिल्लाको एक रिसोर्टमा शनिबार बिहान आगलागी हुँदा १० जनाको मृत्यु भएको छ भने चार जना घाइते भएका छन्।

जिल्लास्थित अग्नि सेवा तथा नागरिक सुरक्षा विभागका उपसहायक निर्देशक सैयद मोहम्मद मोर्शेद हुसेनका अनुसार कक्स बजारको इनानीमा रहेको टुपटुप रेस्टो एन्ड रिसोर्टमा आगलागी भएको हो। उक्त रिसोर्ट बंगालको खाडी नजिकै छ। इनानी आन्तरिक पर्यटकका लागि लोकप्रिय गन्तव्य हो।

हुसेनका अनुसार शनिबार बिहान लागेको आगो तीन तले काठको रिसोर्टमा तीव्र गतिमा फैलिएको थियो। मृत्यु हुनेमा बालबालिका पनि रहेको उनले बताए। तर, उनले उनीहरूबारे थप विवरण दिएका छैनन्।

विज्ञापन

आगलागीको कारण भने तत्काल खुल्न सकेको छैन।