आईसीसी पुरुष क्रिकेट विश्वकप लिग-२ अन्तर्गत क्यानडाविरुद्धको खेलमा नेपालले चौथो विकेट गुमाएको छ। अल अमिरातमा जारी खेलमा नेपालले ३५.५ ओभरमा १३३ रन जोड्दा चौथो विकेटका रूपमा बासिर अहमदलाई गुमाएको हो।
बासिरले ५७ बलमा ३ चौकासहित ३० रन बनाए। उनलाई सुखजिन्दर सिंहले आफ्नै बलमा क्याच आउट गराए।
नेपालका लागि रोहित पौडेलले उत्कृष्ट ब्याटिङ गर्दै अविजित ७० रन बनाएका छन्। उनले ९७ बलमा ६ चौका र एक छक्का प्रहार गरेका छन्। रोहितले क्रिजमा टिकेर नेपालको इनिङ्स सम्हालिरहेका छन्।
विज्ञापन
यसअघि अर्जुन कुमाल २३, आसिफ शेख ४ र ईशान पाण्डे शून्य रनमा आउट भएका थिए। क्यानडाले टस जितेर पहिले बलिङ गर्ने निर्णय गरेको थियो।
खेलमा नेपालका कप्तान सन्दीप लामिछानेसहित गुल्सन झा, दीपेन्द्रसिंह ऐरी, करण केसी, नन्दन यादव र ललित राजवंशी ब्याटिङका लागि आउन बाँकी छन्।
प्रतिक्रियाहरू
कृपया सभ्य र मर्यादित भाषामा प्रतिक्रिया दिनुहोस्। अपमानजनक, मानहानिकारक वा घृणा फैलाउने प्रतिक्रियाहरू हटाइनेछन्।
अहिलेसम्म कुनै प्रतिक्रिया छैन। आफ्नो विचार राख्ने पहिलो व्यक्ति बन्नुहोस्।