सुनको मूल्य घट्यो, चाँदी पनि सस्तियो

नेपाली सुनचाँदी बजारमा बिहीबार सुन र चाँदी दुबैको मूल्य घटेको छ।

आज सुन प्रतितोला एक हजार एक सय रुपैयाँले घटेको नेपाल सुनचाँदी व्यवसायी महासंघले जनाएको छ।

यससँगै, बिहीबार सुन प्रतितोला दुई लाख ८८ हजार ४०० रुपैयाँमा कारोबार भइरहेको छ। बुधबार सुन प्रतितोला दुई लाख ८९ हजार ५०० रुपैयाँमा कारोबार भएको थियो।

विज्ञापन

यस्तै, बिहीबार चाँदीको मूल्य पनि घटेको छ। आज चाँदी प्रतितोला २२० रुपैयाँले घटेर प्रतितोला चार हजार ३५ रुपैयाँमा कारोबार भइरहेको महासंघले जनाएको छ।