आज सुनको मूल्य घट्यो, चाँदी पनि सस्तियो

सोमबार (आज) नेपाली बजारमा सुन र चाँदी दुवैको मूल्य घटेको छ।

नेपाल सुनचाँदी व्यवसायी महासंघका अनुसार आइतबारको तुलनामा सोमबार सुनको मूल्य तोलामा दुई हजार १०० रुपैयाँले घटेको हो।

आइतबार प्रतितोला दुई लाख ९६ हजार ५०० रुपैयाँ रहेको सुन सोमबार घटेर दुई लाख ९४ हजार ४०० रुपैयाँ कायम भएको छ।

विज्ञापन

त्यस्तै, चाँदीको मूल्य पनि तोलामा २५ रुपैयाँले घटेको छ।

आइतबार प्रतितोला चार हजार ४४० रुपैयाँमा कारोबार भएको चाँदी सोमबार घटेर चार हजार ४१५ रुपैयाँ कायम भएको महासंघले जनाएको छ।