आईसिसी विश्वकप क्रिकेट लिग २ को आफ्नो अन्तिम शृंखलाको दोस्रो खेलमा नेपालले ओमानसामु २६४ रनको लक्ष्य प्रस्तुत गरेको छ।
टस जितेर पहिला ब्याटिङ गरेको नेपालले निर्धारित ओभरमा ८ विकेट गुमाएर २६३ रनको योगफल तयार पारेको हो ।
आठौं नम्बरमा ब्याटिङ गर्न आएका करण केसीले छक्काको वर्षा गर्दै ४० रनको योगदान गरे। मात्र १६ बलको सामना गरेका उनले ४ छक्का र एक चौका प्रहार गरे। रोहित पौडेलले ओमानविरुद्धको खेलमा पनि अर्धशतक बनाए। उनले ६१ रन बनाउँदा अर्जुन कुमालले ४० रन जोडे।
ईशान पाण्डे र बसिर अहमदले समान ३७ रन जोडे। दीपेन्द्र सिंह ऐरीले २२, सुन्दीप जोराले १० रन बनाउँदा आशिफ शेखले ४ र नन्दन यादवले नटआउट ७ रनको योगदान गरे।
ओमानका लागि शाह फेसिल, शकिल अहमद र करन सोनाभ्ले समान २ विकेट लिए।
जारी शृंखलाकाे आफ्नो पहिलो खेलमा नेपालले क्यानाडालाई २४ रनले हराएको थियो । आफ्नो एकदिवसीय मान्यता कायम राख्न नेपालले जारी शृंखलाका चारमध्ये कम्तीमा तीन खेलमा जित निकाल्नै पर्नेछ।
प्रतिक्रियाहरू
कृपया सभ्य र मर्यादित भाषामा प्रतिक्रिया दिनुहोस्। अपमानजनक, मानहानिकारक वा घृणा फैलाउने प्रतिक्रियाहरू हटाइनेछन्।
अहिलेसम्म कुनै प्रतिक्रिया छैन। आफ्नो विचार राख्ने पहिलो व्यक्ति बन्नुहोस्।