आईसीसी पुरुष क्रिकेट विश्वकप लिग–२ अन्तर्गत ओमानको अल अमेरातमा जारी खेलमा नेपालले ओमानविरुद्ध ब्याटिङ गर्दै ४२.३ ओभरमा ५ विकेट गुमाएर १९१ रन बनाएको छ।
नेपालका लागि रोहित पौडेलले सर्वाधिक ६१ रन बनाए। उनले ६७ बलमा ३ चौका र १ छक्का प्रहार गरे। रोहितले अर्धशतक पूरा गर्दै नेपालको इनिङ्सलाई अघि बढाएका थिए।
अर्जुन कुमालले ५९ बलमा ४ चौकासहित ४० रन बनाए। इशान पाण्डेले ५५ बलमा ४ चौकासहित ३७ रन जोडे। बसिर अहमदले ५० बलमा ३ चौकासहित ३७ रन बनाए।
आसिफ शेख ४ रनमा आउट भए। दीपेन्द्रसिंह ऐरी १० रनमा अविजित छन्।
नेपालले १७ रन जोड्दा पहिलो विकेटका रूपमा आसिफलाई गुमाएको थियो। त्यसपछि इशान र अर्जुनले इनिङ्स सम्हाल्ने प्रयास गरे। अर्जुन ८३ रनको अवस्थामा तेस्रो विकेटका रूपमा आउट भए। रोहित र बसिरले चौथो विकेटका लागि महत्वपूर्ण साझेदारी गर्दै नेपालको स्कोर उकासे।
ओमानका लागि करन सोनावाले र सकिल अहमदले समान २ विकेट लिए। शाह फैसलले १ विकेट हात पारे।
नेपालले अब सन्दीप जोरासहित करण केसी, नन्दन यादव, सन्दीप लामिछाने र ललित राजवंशीलाई ब्याटिङमा उतार्न बाँकी छ।
प्रतिक्रियाहरू
कृपया सभ्य र मर्यादित भाषामा प्रतिक्रिया दिनुहोस्। अपमानजनक, मानहानिकारक वा घृणा फैलाउने प्रतिक्रियाहरू हटाइनेछन्।
अहिलेसम्म कुनै प्रतिक्रिया छैन। आफ्नो विचार राख्ने पहिलो व्यक्ति बन्नुहोस्।