भोटेकोशी बाढीमा बेपत्ता इन्जिनियर खरेलको कुशको शव बनाएर अन्त्येष्टि गरिने

रसुवाको भोटेकोशी नदीमा आएको विनाशकारी बाढीमा परी बेपत्ता भएका इन्जिनियरिङ भूगर्भविद् मिलन खरेलको कुशको शव बनाएर अन्त्येष्टि गरिने भएको छ।

हिमपहिरोपछि भोटेकोशी नदीमा आएको बाढीमा परी बेपत्ता भएका खरेल माथिल्लो त्रिशूली जलविद्युत् आयोजना–१ (२१६ मेगावाट) मा इन्जिनियरिङ भूगर्भविद्का रूपमा कार्यरत थिए।

बेपत्ता भएदेखि लामो समयसम्म खोजी गर्दा पनि उनको अवस्था पत्ता लाग्न सकेको छैन। शवसमेत फेला नपरेपछि परिवारले धार्मिक परम्पराअनुसार कुशको शव बनाएर अन्तिम संस्कार गर्ने निर्णय गरेको हो।

विज्ञापन

परिवारका अनुसार खरेलको अन्तिम बिदाइ सोमबार, कात्तिक ९ गते बिहान ७ः३० बजे काठमाडौंस्थित पशुपति आर्यघाटमा गरिनेछ।

बाढीमा बेपत्ता भएका खरेलको शव लामो समयसम्म खोजी गर्दा पनि फेला नपरेपछि परिवारले उनलाई धार्मिक विधिअनुसार अन्तिम बिदाइ गर्न लागेको हो।