काठमाडौं।नेपाल प्रिमियर लिग (एनपीएल) क्रिकेटमा काठमाडौं गोर्खाजले जनकपुर बोल्ट्ससामु ११६ रनको सामान्य लक्ष्य प्रस्तुत गरेको छ। कीर्तिपुरस्थित त्रिवि क्रिकेट मैदानमा टस जितेर पहिले ब्याटिङ गरेको काठमाडौं १९.३ ओभरमा ११५ रन बनाउँदै अलआउट भयो।
काठमाडौंका लागि भीम सार्कीले सर्वाधिक ३३ रन बनाए। उनले २९ बलमा चार चौका प्रहार गरे। राशिद खानले १७, स्मित पटेलले १३ र सुमित महर्जनले १० रन बनाए। अन्य ब्याट्सम्यानले दोहोरो अंकमा रन बनाउन सकेनन्।
काठमाडौंको ब्याटिङ धराशायी बनाउने क्रममा जनकपुरका राहुल यादवले सर्वाधिक चार विकेट लिए। उनले चार ओभरमा ३१ रन खर्चिए। सैफ हसनले ११ रन दिएर दुई विकेट लिए भने मोइन अली, हरमित सिंह र ललित राजवंशीले एक–एक विकेट हात पारे। अब जनकपुरले जितका लागि ११६ रन बनाउनु पर्नेछ।
प्रतिक्रियाहरू
कृपया सभ्य र मर्यादित भाषामा प्रतिक्रिया दिनुहोस्। अपमानजनक, मानहानिकारक वा घृणा फैलाउने प्रतिक्रियाहरू हटाइनेछन्।
अहिलेसम्म कुनै प्रतिक्रिया छैन। आफ्नो विचार राख्ने पहिलो व्यक्ति बन्नुहोस्।