मोरङको बेलबारीमा मोटरसाइकलमा गाँजा ओसारपसार गरिरहेको अवस्थामा प्रहरीले दुई जनालाई पक्राउ गरेको छ।
बेलबारी नगरपालिका–६ सोमबारेस्थित सडकखण्डमा उनीहरूको साथबाट ३० किलो ९९० ग्राम गाँजा र ६३ हजार ५०५ रुपैयाँ नेपाली नगद बरामद भएको मोरङ प्रहरीका सूचना अधिकारी डिएसपी मकेन्द्रकुमार मिश्रले जानकारी दिए।
उनका अनुसार सोमबारेस्थित सडकखण्डमा बुधबार बिहान ४ बजेतिर अस्थायी प्रहरी चौकी सोमबारेले शंका लागी प्रदेश १–०२–०४० प ९१९१ नम्बरको मोटरसाइकल रोकेर चेकजाँच गर्दा ३० किलो ९९० ग्राम गाँजा र ६३ हजार ५०५ रुपैयाँ फेला पारेको हो।
पक्राउ पर्नेहरूमा मोटरसाइकल चालक धनकुटाको चौबिसे गाउँपालिका–७ का ३५ वर्षीय आइतबहादुर राई र पछाडि सवार सन्देश परियार रहेका छन्।
प्रहरीले गाँजासहित दुवै जनालाई नियन्त्रणमा लिएर इलाका प्रहरी कार्यालय बेलबारीमा राखेको छ। घटनाबारे थप अनुसन्धान भइरहेको प्रहरीले जनाएको छ।
प्रतिक्रियाहरू
कृपया सभ्य र मर्यादित भाषामा प्रतिक्रिया दिनुहोस्। अपमानजनक, मानहानिकारक वा घृणा फैलाउने प्रतिक्रियाहरू हटाइनेछन्।
अहिलेसम्म कुनै प्रतिक्रिया छैन। आफ्नो विचार राख्ने पहिलो व्यक्ति बन्नुहोस्।