पाकिस्तानमा एलपी ग्यासको चरम अभाव, एउटै सिलिन्डरको मूल्य ७ हजार

पाकिस्तान र इरानबीचका दुई मुख्य सीमा नाकाहरू बन्द भएपछि पाकिस्तानमा तरलीकृत पेट्रोलियम ग्यासको आयात ठप्प भएको छ। ग्यासको आपूर्ति रोकिएसँगै पाकिस्तानभर एलपीजी ग्यासको तीव्र अभाव हुनुका साथै मूल्य अकासिएको रोयटर्सले जनाएको छ । पाकिस्तान र इरान जोड्ने गाब्द-रिमदान र ताफ्तान सीमा नाकाहरू गत अक्टोबर १७ देखि बन्द गरिएका हुन्। नाका बन्द हुनुका पछाडि दुवै देशले फरक-फरक कारण देखाएका छन्। सीमा क्षेत्र रहेको पाकिस्तानको बलुचिस्तान प्रान्तीय सरकारले सुरक्षा चिन्ता र अवैध तस्करी नियन्त्रणका लागि अस्थायी