काठमाडौं।नेपाल प्रिमियर लिग (एनपिएल) क्रिकेट प्रतियोगिता, २०२६ अन्तर्गत कर्णाली याक्सविरुद्धको खेलमा काठमाडौं गोर्खाजले टस जितेको छ।
कीर्तिपुरस्थित त्रिभुवन विश्वविद्यालय अन्तर्राष्ट्रिय क्रिकेट मैदानमा भरखरै भएको टसमा काठमाडौं कप्तान करण केसीले टस जितेर पहिला बलिङ रोजेको छन्।
यससँगै कर्णाली याक्सले पहिला ब्याटिङको निम्तो पाएको छ। कर्णालीले लगातार दुई खेलमा विजयी हुँदै चार अंक जोडेको छ। कर्णाली अंक तालिकाको शीर्ष स्थानमा छ।
सोमपाल कामीको कप्तानीमा रहेको कर्णालीले आज पनि जित निकाल्ने उद्देश्यका साथ मैदानमा उत्रिएको छ। यसअघि कर्णालीले पहिलो खेलमा जनकपुरलाई १९ रनले पराजित गरेको थियो भने दोस्रो खेलमा काठमाडौंलाई ४ विकेटले हराएको थियो।
यता करण केसीको कप्तानीमा रहेको काठमाडौं पहिलो जित निकाल्ने दाउमा छ। काठमाडौं अंकविहीन छ। काठमाडौं पहिलो खेलमा जनकपुरसँग ८ विकेटले पराजित भएको थियो।
काठमाडौंको प्लेइङ ११ मा कप्तान करण केसीसहित भीम सार्की, राशिद खान, मोहम्मद आदिल आलम, सन्तोष यादव, शाहब आलम, देव शाह, रिपोन मण्डल, डेभिड वार्नर, स्मित पटेल र जहान्दाद खान रहेका छन्।
यता कर्णालीको प्लेइङ ११ मा भने कप्तान सोमपाल कामीसहित गुलशनकुमार झा, नन्दन यादव, दीपक डुम्रे, उनिश सिंह ठकुरी, पवन सर्राफ, युवराज खत्री, अरिफुल इस्लाम, मार्क वाट, मोहम्मद हुसेन तलात र जिसान आलम परेका छन्।
प्रतिक्रियाहरू
कृपया सभ्य र मर्यादित भाषामा प्रतिक्रिया दिनुहोस्। अपमानजनक, मानहानिकारक वा घृणा फैलाउने प्रतिक्रियाहरू हटाइनेछन्।
अहिलेसम्म कुनै प्रतिक्रिया छैन। आफ्नो विचार राख्ने पहिलो व्यक्ति बन्नुहोस्।