इजरायलमा सरकार गठनमा अन्योल, नेतन्याहुको दाबी र एक्जिट पोलको नतिजामा भिन्नता

सार्वजनिक एक्जिट पोलअनुसार नेतन्याहुको गठबन्धन र मुख्य विपक्षी गठबन्धनबीच कडा प्रतिस्पर्धा देखिएको छ। दुवै पक्षले समान ५१ सिट प्राप्त गर्न सक्ने अनुमान गरिएको छ भने अरब दलहरूले १८ सिट जित्ने प्रक्षेपण गरिएको छ। निर्वाचन आयोगका अनुसार यस पटक ७७.७ प्रतिशत मतदान भएको छ, जुन विगत ३० वर्षयताकै उच्च हो।

यसैबीच, इजरायली नेता गादी आइजेनकोटले मतदाताले परिवर्तनको पक्षमा मतदान गरेको बताएका छन्। निर्वाचनको मतगणना जारी छ। प्रारम्भिक तथ्यांकअनुसार हालसम्म १२ लाख १६ हजारभन्दा बढी मत गणना भइसकेको छ। तीमध्ये १२ लाख १० हजार ४ सय ६१ मत सदर र ५ हजार ५ सय ४१ मत बदर भएका छन्।

विज्ञापन

हालसम्मको गणनामा नेतन्याहुको लिकुड पार्टी २३.३६ प्रतिशत मतसहित अग्रस्थानमा छ। त्यस्तै, आइजेनकोटको याशार पार्टीले १५.७४ प्रतिशत र नफ्ताली बेनेटको पार्टीले ८.५३ प्रतिशत मत प्राप्त गरेका छन्। इजरायलमा करिब ७३ लाख मतदाता मतदानका लागि योग्य थिए। अन्तिम परिणाम नआएसम्म सरकार गठनको स्पष्ट चित्र देखिने छैन। यसअघि अरब नेतृत्वका दलहरूले नेतन्याहुमाथि प्यालेस्टिनी नागरिकविरुद्ध घृणा फैलाएर चुनावी समर्थन बढाउन खोजेको आरोप लगाएका थिए।