पोखरा। नेपाली कांग्रेसका सभापति गगन थापाले सत्तालाई नै सबैथोक ठान्ने विगतको सोच सच्याउँदै सुशासन र परिणाममुखी काममा जोड दिने बताएका छन्।
मंगलबार पोखरामा बीपी स्मृति पुस्तकालय गण्डकी प्रदेशले आयोजना गरेको कार्यक्रममा उनले पार्टीका कमजोरी स्वीकारेर अघि बढ्ने बताए। थापाले पार्टीभित्र निर्वाचनमा जित्ने र हार्ने दुवै पक्षलाई समेट्नु पर्नेमा जोड दिए। प्रतिस्पर्धामा पराजित हुँदैमा योग्य नेताहरूलाई जिम्मेवारीबाट बाहिर राख्न नहुने उनको भनाइ थियो।
उनले आगामी स्थानीय तहको निर्वाचनलाई ध्यानमा राखेर प्रदेश र जिल्ला अधिवेशनको मिति तय गरिने बताए। यसका लागि केन्द्रीय समिति बैठकमा छलफल गरिने उनले जानकारी दिए।
सभापति थापाले पछिल्ला निर्वाचनमा कांग्रेससँग टाढिएका परम्परागत मतदातासँग संवाद गर्न मंसिर महिनाभर देशभरका वडा र टोलमा अभियान सञ्चालन गर्नुपर्ने प्रस्ताव समेत राखे। उनले पुरानो पुस्ताको अनुभव र नयाँ पुस्ताको ऊर्जालाई संयोजन गरेर पार्टीलाई अघि बढाउनु पर्ने बताए।
प्रतिक्रियाहरू
कृपया सभ्य र मर्यादित भाषामा प्रतिक्रिया दिनुहोस्। अपमानजनक, मानहानिकारक वा घृणा फैलाउने प्रतिक्रियाहरू हटाइनेछन्।
अहिलेसम्म कुनै प्रतिक्रिया छैन। आफ्नो विचार राख्ने पहिलो व्यक्ति बन्नुहोस्।