एनपीएल: तृत राजको अर्धशतकमा जनकपुरले पोखरालाई दियो १४८ रनको लक्ष्य

जनकपुरका लागि तृत राज दासले अर्धशतकीय इनिङ्स खेल्दै सर्वाधिक ६१ रन बनाए। त्यसैगरी, अभिषेक तिवारीले अविजित २४ रन, मोइन अलीले २१ रन र जिमी निशमले ११ रन जोडे। अन्य ब्याटरले दोहोरो अङ्कमा रन बनाउन सकेनन्।

बलिङतर्फ पोखराका शकिब अल हसनले तीन विकेट लिए। यस्तै, चमिका करुणारत्नेले दुई विकेट हात पार्दा मेहदी हसन र मोहम्मद सैफुद्दिनले एक-एक विकेट लिए।

विज्ञापन

जारी प्रतियोगितामा पोखरा यसअघि सुदूरपश्चिमसँग ६ विकेटले पराजित भएको थियो। यता, जनकपुरले आफ्नो पहिलो खेलमा कर्णाली याक्ससँग १९ रनको हार बेहोरेको थियो भने दोस्रो खेलमा काठमाण्डु गोर्खाजलाई ८ विकेटले हराएको थियो।