कार्तिक ११, काठमाडौं । सम्भव भएसम्मका सबै सरकारी सेवा एउटै एपबाट उपलब्ध गराउने उद्देश्यका साथ सुरु गरिएको नागरिक एपमा सुविधा थपिने क्रम जारी छ । सँगै एप प्रयोगकर्ता पनि बढिरहेका छन् ।
सरकारले एप प्रयोगमा कुनै समस्या वा जिज्ञासा भए निःशुल्क टिपाउन सकिने सुविधा सुरू गरेको छ । यसअन्तर्गत प्रयोगकर्ताले फोन र भाइबरबाट आफ्ना गुनासो टिपाउन सक्नेछन् । नेपाल टेलिकम र एनसेलका ग्राहकले ११०१ मा निःशुल्क फोन गरेर गुनासो टिपाउन सक्नेछन् ।
त्यस्तै प्रयोगकर्ताले भाइबरमार्फत पनि गुनासो टिपाउन सक्नेछन् । यसका लागि नागरिक एपको अफिसियल मोबाइल नम्बर +९७७-११२२३३४४५५ मा म्यासेज गर्न सकिनेछ ।
यसअघि आईओएस र एन्ड्रोइड प्लेटफर्ममा उपलब्ध नागरिक एप अबदेखि वेबसाइटमार्फत पनि चलाउन सकिने भएको छ ।
सरकारले चालु आर्थिक वर्ष २०७८/०७९ को अन्त्यसम्म ४२ वटा सरकारी सेवा नागरिक एपमार्फत नै लिन सकिने बनाउन लागेको छ ।
प्रदेश १
प्रदेश २
बागमती
गण्डकी
प्रदेश ५
कर्णाली
सुदूरपश्चिम