नेपाल प्रिमियर लिग (एनपीएल) अन्तर्गत जारी डे-नाइट खेलमा सुदूरपश्चिम रोयल्सको उत्कृष्ट बलिङसामु चितवन राइनोज मध्यम स्कोरमै रोकिएको छ।
टस हारेर पहिले ब्याटिङको निम्तो पाएको चितवनले निर्धारित २० ओभरमा ६ विकेट गुमाउँदै १ सय २९ रन मात्र बनाउन सक्यो।
जितका लागि अब सुदूरपश्चिमले १ सय ३० रनको सामान्य लक्ष्य पाएको छ।
चितवनका लागि अनुभवी ब्याटर रवि बोपाराले सर्वाधिक ४९ रनको योगदान दिए। संयमित इनिङ्स खेलेका बोपारा व्यक्तिगत १ रनले अर्धशतक बनाउनबाट चुके। उनले ४० बलमा ३ चौका र २ छक्का प्रहार गरे।
चितवनका अन्य ब्याटरहरू सुदूरपश्चिमको कसिलो बलिङसामु खुलेर खेल्न सकेनन्। विवेक यादवले १५ बलमा १७ रन जोडे भने डेविड मलानले १६, अर्जुन साउद र कप्तान सिकन्दर राजाले समान १५-१५ रन बनाए। त्यसअघि ओपनर देव खनाल ७ रनमै पभेलियन फर्किएका थिए भने टम टेलर ६ रनमा अविजित रहे।
सुदूरपश्चिमका बलरहरूले कसिलो बलिङ गर्दै विपक्षीलाई लगातार दबाबमा राखे। स्कट कुगेलेइनले ४ ओभरमा २६ रन खर्चेर सर्वाधिक २ विकेट लिए।
त्यस्तै, किफायती बलिङ गरेका अनिल खरेलले ४ ओभरमा १८ रन दिएर १ विकेट लिए भने कप्तान दीपेन्द्र सिंह ऐरी र हेमन्त धामीले पनि १-१ विकेट हात पारे।
प्रतिक्रियाहरू
कृपया सभ्य र मर्यादित भाषामा प्रतिक्रिया दिनुहोस्। अपमानजनक, मानहानिकारक वा घृणा फैलाउने प्रतिक्रियाहरू हटाइनेछन्।
अहिलेसम्म कुनै प्रतिक्रिया छैन। आफ्नो विचार राख्ने पहिलो व्यक्ति बन्नुहोस्।