मुक्कुमलुङ र मुन्धुम: इतिहास, आस्था र रैथाने पहिचानको जीवित भूगोल

मुक्कुमलुङ एउटा भौगोलिक पर्वत वा आर्थिक लाभ लिने केबलकार परियोजनास्थल नभएर लिम्बू समुदायको मुन्धुमी परम्परा, सांस्कृतिक स्मृति र प्रकृतिसँगको सम्बन्ध जोडिएको जीवित ऐतिहासिक धरोहर हो । मुन्धुमी आख्यान अनुसार यो पर्वत लिम्बू समुदायको आदिम पुर्खा थलो (ओरिजिन प्लेस) र पहिचानको आधार हो, जहाँबाट लिम्बूहरू अन्यत्र विस्तार भएका थिए। यति ठूलो ऐतिहासिक र आध्यात्मिक महत्त्व बोकेको रैथाने समुदायको धरोहरमा उनीहरूको सहमतिविपरीत अघि बढाइएको यो विवादित केबलकार निर्माण कार्य सदाका लागि पूर्ण रूपमा रोकिनुपर्छ।