काठमाडौं। अविरल वर्षाका कारण अवरुद्ध बनेको बीपी राजमार्ग खुलाउने प्रयास सुरु भएको छ। शुक्रबार र शनिबार परेको भारी वर्षाले राजमार्गका विभिन्न स्थानमा पहिरो खसालेपछि शनिबार बिहानैदेखि यातायात सेवा ठप्प भएको थियो।
प्रहरीका अनुसार आइतबार बिहानदेखि काभ्रेको रोसी गाउँपालिका-७ गिम्दीबेँसीमा डोजरको प्रयोग गरी पहिरो पन्छाउने काम सुरु गरिएको छ। वर्षा रोकिएसँगै सडक सफा गर्ने कार्य अघि बढाइएको हो।
यसैबीच बाढी र पहिरोका कारण कान्ति लोकपथ पनि अवरुद्ध भएको छ। ललितपुरको बागमती गाउँपालिका-३ को पान्दु र टार्कुचे क्षेत्रमा पहिरो जाँदा सडक पूर्ण रूपमा बन्द भएको प्रहरीले जनाएको छ। मकवानपुर जोड्ने सो सडक खण्डमा पनि पहिरो पन्छाउने तयारी भइरहेको छ।
प्रतिक्रियाहरू
कृपया सभ्य र मर्यादित भाषामा प्रतिक्रिया दिनुहोस्। अपमानजनक, मानहानिकारक वा घृणा फैलाउने प्रतिक्रियाहरू हटाइनेछन्।
अहिलेसम्म कुनै प्रतिक्रिया छैन। आफ्नो विचार राख्ने पहिलो व्यक्ति बन्नुहोस्।