देशभर आंशिक बदली, केही स्थानमा हुस्सु र कुहिरो

काठमाडौं। देशमा पश्चिमी वायुको आंशिक प्रभावका कारण आज मंगलबार कोशी, मधेश र बागमती प्रदेशमा आंशिक बदली रहने मौसम पूर्वानुमान महाशाखाले जनाएको छ।

महाशाखाका अनुसार देशका बाँकी भू-भागमा भने मौसम मुख्यतया सफा रहनेछ।

मंगलबार बिहान ८ बजे जारी गरिएको मौसम पूर्वानुमान बुलेटिनअनुसार हाल देशका हिमाली तथा पहाडी भू-भागमा मौसम मुख्यतया सफा रहेको छ। तराईका साथै उपत्यका र खोंचहरूमा बिहानपख केही स्थानमा हुस्सु तथा कुहिरो लागेको छ।

विज्ञापन

दिउँसो कोशी, मधेश र बागमती प्रदेशमा आंशिक बादल लाग्ने र अन्य स्थानमा मौसम सफा रहने अनुमान गरिएको छ। त्यस्तै, मंगलबार राति देशभर आंशिक बदली रहने महाशाखाले जनाएको छ।