इलाममा सत्याग्रहमा रहेका डा.गोविन्द केसीको स्वास्थ्य नाजुक हुँदै गएपछि उनलाई काठमाडौं लगिएको छ। नेपाली सेनाको हेलिकप्टरमार्फत् उनलाई केहीबेरअघि काठमाडौं शिक्षण अस्पताल लगिएको हो।
डा.केसीको स्वास्थ्यका समस्या देखिएपछि उनी शनिबार साँझदेखि इलाम अस्पतालमा थिए। चिकित्सकका अनुसार डा.केसीलाई सुविधासम्पन्न अस्तालमा उपचार गर्नुपर्ने देखिएकाले काठमाडौं रेफर गरिएको हो।
इलाम अस्पतालका डा.अभिताभ ठाकुरले डा.केसीको स्वास्थ्य अवस्था जोखिमपूर्ण हुनसक्ने भएकाले रेफर गरिएको जानकारी दिए। डा.ठाकुरका अनुसार डा.केसीको रगतमा ग्लुकोजको मात्रा निकै कम देखिएको छ भने पिसाबमा एसियटोनको मात्रा बढेको छ।
डा.केसीले चिकित्सा क्षेत्र सुधारका ६ बुँदै माग राख्दै इलामकै नारायणस्थान मन्दिर परिसरमा बिहीबार साँझ आफ्नो २५औं सत्याग्रह थालेका थिए। ‘अस्पताल ल्याएदेखि नै डा.केसीको अवस्था निरन्तर बिग्रिरहेको छ,’ डा.ठाकुरले भने।
प्रतिक्रियाहरू
कृपया सभ्य र मर्यादित भाषामा प्रतिक्रिया दिनुहोस्। अपमानजनक, मानहानिकारक वा घृणा फैलाउने प्रतिक्रियाहरू हटाइनेछन्।
अहिलेसम्म कुनै प्रतिक्रिया छैन। आफ्नो विचार राख्ने पहिलो व्यक्ति बन्नुहोस्।