नेपाल प्रिमियर लिग (एनपीएल) अन्तर्गत जनकपुर बोल्ट्सविरुद्ध काठमाण्डु गोर्खाजले खराब सुरुवात गरेको छ। टस जितेर पहिले ब्याटिङ गरेको काठमाण्डुले १० ओभरमा चार विकेट गुमाएर ६६ रन बनाएको छ।
कीर्तिपुरस्थित त्रिवि अन्तर्राष्ट्रिय क्रिकेट मैदानमा काठमाण्डुले पहिलो विकेटका रूपमा साम हिजलेटलाई ६ रनमा गुमाएको थियो। त्यसपछि हरिशंकर साह ९ र स्मित पटेल १३ रनमा आउट भए। काठमाण्डुले २९ रन जोड्दा तीन विकेट गुमाइसकेको थियो।
रासिद खानले १४ बलमा दुई चौकासहित १७ रन बनाएर आउट भए। उनलाई अलीले पवेलियन फर्काए।
विज्ञापन
१० ओभरको खेल सकिँदा भिम शार्की १६ र सुमित महर्जन ७ रनमा अविजित छन्।
जनकपुरका राहुल यादवले दुई विकेट लिएका छन्। मोइन अली र सैफ हसनले एक-एक विकेट हात पारेका छन्। काठमाण्डुले अन्तिम पाँच ओभरमा ३७ रन जोड्दै दुई विकेट गुमाएको छ।
प्रतिक्रियाहरू
कृपया सभ्य र मर्यादित भाषामा प्रतिक्रिया दिनुहोस्। अपमानजनक, मानहानिकारक वा घृणा फैलाउने प्रतिक्रियाहरू हटाइनेछन्।
अहिलेसम्म कुनै प्रतिक्रिया छैन। आफ्नो विचार राख्ने पहिलो व्यक्ति बन्नुहोस्।