काठमाडौं।सरकारका प्रवक्ता तथा शिक्षामन्त्री सस्मित पोखरेलले पार्टीको निर्देशनपछि नेपाल प्रहरीका महानिरीक्षक (आईजीपी) दानबहादुर कार्कीको जिम्मेवारी हेरफेर गरिएको बताएका छन्।
बुधबार मन्त्रिपरिषद् बैठकपछि सञ्चारकर्मीसँग कुरा गर्दै उनले पार्टीबाट संवेदनशील विषयमा सरकारले निर्णय लिन निर्देशन आएपछि कार्कीको जिम्मेवारी परिवर्तन गरिएको जानकारी दिए।
पोखरेलका अनुसार कार्कीलाई प्रधानमन्त्रीको विशेष सुरक्षा सल्लाहकार नियुक्त गरिएको हो। प्रधानमन्त्रीलाई शान्ति सुरक्षासम्बन्धी परामर्श दिने जिम्मेवारी पनि संवेदनशील भएकाले उनलाई नयाँ जिम्मेवारी दिइएको उनले बताए।
सरकारले कार्कीलाई कारबाही नगरेको दाबी गर्दै पोखरेलले यो जिम्मेवारी हेरफेर मात्रै भएको स्पष्ट पारे। मन्त्रिपरिषद् बैठकले कार्कीको स्थानमा एआईजी मनोज केसीलाई नेपाल प्रहरीको महानिरीक्षक नियुक्त गर्ने निर्णय समेत गरेको छ।
प्रतिक्रियाहरू
कृपया सभ्य र मर्यादित भाषामा प्रतिक्रिया दिनुहोस्। अपमानजनक, मानहानिकारक वा घृणा फैलाउने प्रतिक्रियाहरू हटाइनेछन्।
अहिलेसम्म कुनै प्रतिक्रिया छैन। आफ्नो विचार राख्ने पहिलो व्यक्ति बन्नुहोस्।