जेठ १६, पर्सा । मानव बेचविखन र बलात्कार गरेको आरोपमा प्रहरीले पर्साको बीरगञ्ज महानगरपालिकाबाट ३ जनालाई पक्राउ गरेको छ । पक्राउ पर्नेमा बीरगञ्ज महानगरपालिका–८ स्थित रेष्टुरेन्टमा काम गर्ने २५ वर्षीय सुरज कुमार शाह, जुम्ला घर भएका हरिचन्द्रनाथ योगी र वीरगञ्जमा होटल चलाउने ४२ वर्षीया लक्ष्मी बुढाथोकी (कार्की) छिन् ।
जेठ ५ मा सुरज शाहले काठमाडौंमा बस्ने २५ वर्षीया युवतीलाई बीरगञ्जमा बोलाए बलात्कार गर्छन् । चार दिनपछि पीडित युवतीलाई बीरगञ्ज–१६ मा होटल चलाउने लक्ष्मी कार्कीको जिम्मा लगाउँछन् । लक्ष्मीले ‘विवाह गर्छ’ भनेर बीरगञ्ज फुलवारी टोलमा बस्ने हरिचन्द्रनाथ योगीको जिम्मा लगाएको प्रहरीको अनुसन्धानबाट थाहा भएको छ । योगीले जेठ १४ सम्म बन्धक बनाएर बलात्कार गरेपछि युवती मौका छोपेर भागेकी थिइन् ।
आरोपीहरु बिरुद्ध मानव बेचविखन तथा बलात्कार मुद्दामा म्याद लिएर अनुसन्धान भइरहेको जिल्ला प्रहरी कार्यालय पर्साले जानकारी दिएको छ ।
प्रदेश १
प्रदेश २
बागमती
गण्डकी
प्रदेश ५
कर्णाली
सुदूरपश्चिम