माघ १६,धनगढी । नगर सभाको माइन्युट च्यातेको उजुरीपछि पक्राउ परेका बाजुराका दुई जना वडाध्यक्ष छुटेका छन्। त्रिवेणी नगरपालिका वडा नम्बर ७ का अध्यक्ष प्रेमबहादुर थापा र वडा नम्बर ९ का अध्यक्ष वीरबहादुर विष्ट हिरासतबाट छुटेका हुन्।
नगरपालिकाका प्रशासकीय अधिकृतले वडाध्यक्षहरूले माइन्युट च्यातेको भन्दै प्रहरीकहाँ उजुरी दिएका थिए। उनीहरूले अब कमजोरी नदोहोर्याउने र सहकार्य गर्दै जाने भनेपछि नगरपालिकाले उजुरी फिर्ता लिएको थियो। उनीहरू शुक्रबार प्रहरी हिरासतबाट छुटेका छन्।
प्रहरी निरीक्षक देवेन्द्र जोशीका अनुसार कमजोरी नदोहोर्याउने भनेपछि र उजुरी नै फिर्ता लिएपछि वडाध्यक्षहरूलाई छाडिएको बताए। वडाध्यक्ष थापालाई माघ १२ र विष्टलाई माघ १३ मा पक्राउ गरिएको थियो। माघ १० मा बसेको नगर सभाले एकलौटी निर्णय गरेको भन्दै वडा नम्बर ७ र ९ का अध्यक्षले माइन्युट च्यातेका थिए।
त्यसपछि नगरपालिकाका प्रमुख प्रशासकीय अधिकृत चिरञ्जीवी शाहले उनीहरू विरूद्ध प्रहरीमा उजुरी दिएका थिए।
प्रदेश १
प्रदेश २
बागमती
गण्डकी
प्रदेश ५
कर्णाली
सुदूरपश्चिम