माघ ४,काठमाडौं । प्रधानन्यायाधीश चोलेन्द्र शमशेर राणाले फुलकोर्ट बैठक बोलाएका छन् । प्रधानन्यायाधीश राणाले आफ्नै बैठक कक्षमा फुलकोर्ट बैठक बोलाएका हुन् ।
बैठकमा न्यायालयमा पछिल्ला दिनहरुमा भइरहेको क्रियाकलाप र कोरोना महामारीका विषयमा छलफल गर्न बैठक बोलाइएको सर्वोच्चका प्रवक्ता बाबुराम दाहालले जानकारी दिए । उनका अनुसार कोरोना महामारी बढिरहेको बेला सेवालाई कसरी प्रभावकारी बनाउने भन्ने विषयमा छलफल हुने उनको भनाइ रहेको छ ।
‘कोरोना महामारी बढिरहेका बेला कसरी सेवालाई प्रभावकारी बनाउने भन्ने विषयमा फुलकोर्ट बैठक बोलाइएको हो । केही बेरमा बैठक सुरु हुनेछ’, उनले भने । प्रवक्ता दाहालले दिएको जानकारी अनुसार सर्वोच्चमा १ न्यायाधीशसहित ३१ जनामा कोरोना संक्रमण पुष्टि भएको छ ।
प्रदेश १
प्रदेश २
बागमती
गण्डकी
प्रदेश ५
कर्णाली
सुदूरपश्चिम