पौष ८, काठमाडौं । देशका विभिन्न भागमा सवारी दुर्घटना हुँदा ५ जनाको मृत्यु भएको छ । दुई जना घाइते छन् । कास्की, सिन्धुली, सुनसरी र कैलालीका विभिन्न ठाउँमा पछिल्ला १२ घण्टामा सवारी दुर्घटना भएको हो ।
कास्कीको अन्नपूर्ण गाउँपालिका–२, ढिकुरपोखरीमा ट्रकमा स्कुटर ठोक्किँदा दुई जनाको मृत्यु भएको छ । मृत्यु हुनेमा ३० वर्षीय कृष्ण सुवेदी र त्यसको पछाडि सवार २८ वर्षीय सुनील केसी छन्।
प्रहरीका अनुसार, गएराति १२ बजे सडक छेउमा रोकिराखेको ना ७ ख ९१२४ नम्बरको ट्रकमा ग २१ प ४४६० नम्बरको स्कुटर ठोकिएर यो दुर्घटना भएको हो।
सुनसरीको इनरुवा नगरपालिका–६, मधेसामा गएराति पैदलयात्रीले ट्रकको ठक्करबाट ज्यान गुमाएका छन् । रामेश्वर उराउ नाम गरेका व्यक्तिको दुर्घटनामा निधन भएको जिल्ला प्रहरी कार्यालय, सुनसरीले जनाएको छ।
सिन्धुलीको सुनकोशी गाउँपालिका ६ मा एक जनाको मृत्यु भएको छ । कुखुरा बोकेको प्रदेश २–०३–००१ च ४००८ नम्बरको जीप अनियण्त्रित भएर दुर्घटना हुँदा जीपमा सवार कुनथाङ मोक्तानको ज्यान गएको हो।
सोही घटनामा जीप चालकसहित दुई घाइते छन् । उनीहरूको अहिले धुलिखेल अस्पतालमा उपचार भइरहेको प्रहरीले जनाएको छ।
त्यस्तै, साइकल दुर्घटना हुँदा भजनी नगरपालिका–८ काँडाका ५५ वर्षीय साधुराम डगौराको ज्यान गएको छ।
प्रदेश १
प्रदेश २
बागमती
गण्डकी
प्रदेश ५
कर्णाली
सुदूरपश्चिम