असोज ६, काठमाडौँ । प्रधानमन्त्री एवं नेपाली कांग्रेसका सभापति शेरबहादुर देउवाले नयाँ मन्त्री थपेपछि वरिष्ठ नेता रामचन्द्र पौडेल पक्षले आफ्नो समूहको छुट्टै बैठक बोलाएको छ ।
प्रधानमन्त्री देउवाले पार्टीमा सल्लाह नै नगरी नेता डा। नारायण खड्कालाई परराष्ट्रमन्त्री नियुक्त गरेपछि पौडेल पक्ष छलफलमा जुट्ने भएको हो । त्यसका लागि पौडेल पक्षले दिउँसो १ बजे महामन्त्री शशांक कोइरालाको निवास महाराजगञ्जमा बैठक बोलाएको छ ।
पार्टीबाट मन्त्री बन्नेको नाम टुंगो लगाउन देउवाले ३ बजे पदाधिकारी बैठक बोलाएपछि २ घण्टा अघि पौडेल पक्षको बैठक बस्न लागेको हो । कांग्रेसबाट यसअघि बालकृष्ण खाँण, ज्ञानेन्द्रबहादुर कार्की र उमेश श्रेष्ठ मन्त्री भइसकेका छन् ।
देउवाले आफू पक्षीय नेतालाई मात्र मन्त्री बनाएको भन्दै पौडेल पक्ष असन्तुष्ट छ ।
प्रदेश १
प्रदेश २
बागमती
गण्डकी
प्रदेश ५
कर्णाली
सुदूरपश्चिम