मंसिर २६, काठमाण्डौ । नेपाली कांग्रेसको १४ औँ महाधिवेशन अन्तर्गत आज मनोनयन पत्र फिर्ता लिने प्रक्रिया सुरु भएको छ ।
पार्टीका केन्द्रीय निर्वाचन समितिका अनुसार उम्मेदवारले मनोनयन पत्र फिर्ता लिइसक्नुपर्ने समय बिहान ११ बजेसम्म निर्धारण गरिएको छ ।
यसैगरी उम्मेदवारको अन्तिम नामावली प्रकाशन आजै दिउँसो सवा १२ बजे हुँदैछ । यसअघि शनिवार उम्मेदवार मनोनयन दर्ता बिहान १० देखि बेलुका ५ बजेसम्म भएको थियो ।
उम्मेदवारी मनोनयन दर्ता उपर दाबी विरोध र जाँच बुझ शनिवार बेलुका ५ देखि ७ बजेसम्म र दाबी विरोध उपर निर्णय बेलुका ७ देखि ९ बजेसम्म गरी समितिले उम्मेदवारको पहिलो नामावली प्रकाशन गरेको थियो ।
महाधिवेशनमा ६ जना सभापतिसहित ३९ जनाको पदाधिकारीमा उम्मेदवारी परेको छ । भोलि बिहान ८ बजेदेखि मतदान हुनेछ ।
प्रदेश १
प्रदेश २
बागमती
गण्डकी
प्रदेश ५
कर्णाली
सुदूरपश्चिम