भदौ ३, रसुवा । रसुवाको नौकुण्ड गाउँपालिका ५ को कोलडाँडामा पहिरोले घर पुरिँदा चार जनाको ज्यान गएको छ ।
पहिरोले घर पुरिँदा ३२ वर्षीया कमला तामाङ, उहाँकी आठ वर्षीया छोरी सुकुमाया, ११ वर्षीया छोरी सोकिता र सात वर्षीय आशिषको शव भेटिएको रसुवाका प्रहरी नायब उपरीक्षक (डीएसपी) देवेन्द्र पाण्डेले जानकारी दिनुभयो ।
बिहीवार बिहान कमलाको शव भेटिएको थियो । त्यसपछि पहिरो पन्छाउने क्रममा छोरी सुकुमाया, सोकिता र आशिषको शव भेटिएको प्रहरीले जनाएको हो ।
पहिरोमा परेर घाइते भएका कमलाका श्रीमान् बुद्धि तामाङलाई थप उपचारका लागि काठमाण्डौ लगिएको छ ।
प्रदेश १
प्रदेश २
बागमती
गण्डकी
प्रदेश ५
कर्णाली
सुदूरपश्चिम