३ भाद्र, काठमाडौं । प्रधानमन्त्री शेरबहादुर देउवालाई भेट्न नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ र नेकपा एमाले समाजवादीका अध्यक्ष माधवकुमार नेपाल बालुवाटार पुग्नु भएको छ ।
एमालेसँग पार्टी विभाजन गरेको २४ घण्टापनि नबित्दै माओवादी केन्द्र र एमाले समाजवादीका अध्यक्ष बालुवाटार पुग्नुलाई महत्वका साथ हेरिएको छ । सत्ता साझेदारका रुपमासमेत रहेका यी दलहरुबीच आजै मन्त्री बाँडफाँड गर्ने सम्भावना पनि बलियो छ । यद्यपि यो भेटलाई बाहिर भने राजनीतिक भेट मात्रै भनिएको छ।
एमाले तथा जनता समाजवादी पार्टी जसपा टुक्याउन सहज हुनेगरी प्रधानमन्त्री शेरबहादुर देउवाले अध्यादेश ल्याउनु भएको थियो । त्यसपश्चात एमालेमा माधव नेपाल र उता जसपाका महन्थ ठाकुरले छुट्टै छुट्टै पार्टी दर्ता गरिसक्नु भएको छ ।
प्रदेश १
प्रदेश २
बागमती
गण्डकी
प्रदेश ५
कर्णाली
सुदूरपश्चिम