साउन १५, हेटौँडा । मकवानपुरको भीमफेदी गाउँपालिकामा रहेको कारागारमा ठूलो संख्यामा कैदीलाई कोरोना देखिएको छ । कारागारमा रहेका ९६९ कैदीमा कोरोना परीक्षण गर्दा सो ३५५ जनाको पोजेटिभ रिपोर्ट आएको कारागार व्यवस्थापनले जानकारी दिएको छ ।
कारागारका प्रमुख नारायण पाण्डेका अनुसार एन्टिजेन विधिबाट गरिएको परीक्षणमा उनीहरुलाई संक्रमण पुष्टि भएको हो । कोरोना पोजिटिभ देखिएका कैदीलाई कारागारको माथिल्लो तलामा राखिएको पाण्डेले बताए । कोरोना नभएका कैदीलाई तल्लो तलामा राखिएको छ ।
कारागारमा रहेका धेरै कैदीलाई कोरोना खोप कोभिशिल्ड लगाइएको थियो । खोप लगाएका र नलगाएका दुवै थरीलाई कोरोना देखिएको हो ।
यस कारागारमा रहेका केही कैदीलाई नख्खुमा सार्नका लागि परीक्षण गर्दा ५ जनामा कोरोना देखिएको थियो । त्यसपछि बुधबार र बिहीबार गरी कारागारका अन्य कैदीको पनि एन्टिजेन परीक्षण गरिएको हो ।
प्रदेश १
प्रदेश २
बागमती
गण्डकी
प्रदेश ५
कर्णाली
सुदूरपश्चिम