देशका यी स्थानमा मेघगर्जन, चट्याङ र हावाहुरीसहित पानी पर्ने

कोरखबर १४ जेठ, २०७८

जेठ १४, काठमाडौं । शुक्रबार हाल देशभर सामान्य देखि पूर्ण बदलि रहि धेरै स्थानहरूमा मेघगर्जन, चट्याङ र हावाहुरीसहित हल्का देखि मध्यम पानी परिरहेका छ ।

मौसम पूर्वानुमान महाशाखाका अनुसार हाल देशमा बंगालको खाडीमा रहेको यास पश्चिम उत्तर(पश्चिम सर्ने क्रममा कमजोर भई बनेको न्यून चापीय क्षेत्रको प्रभाव रहेको देखिन्छ ।

आज दिउँसो देशभर सामान्य देखि पूर्णतया बदली रहनेछ। यस्तै धेरै स्थानहरूमा मेघगर्जन, चट्याङ र हावाहुरीसहित हल्का देखि मध्यम पानी पर्ने सम्भावना रहेको छ । यस्तै देशका प्रदेश १, प्रदेश २, बाग्मती, गण्डकी र लुम्बिनी प्रदेशका केहि स्थानहरूमा ठुलो पानी पर्ने सम्भावना रहेको छ।

यस्तै उच्च हिमाली र पहाडी भूभागका धेरै स्थानहरुमा हल्का देखि मध्यम हिमपात र पानी पर्ने सम्भावना रहेको छ भने गण्डकी प्रदेशका केहि स्थानहरूमा बागमती प्रदेश, प्रदेश १ तथा सुदुर(पश्चिम प्रदेशका उच्च हिमाली र पहाडी भूभागका एक दुई स्थानमा ठुलो हिमपातको सम्भावना रहेको छ।

त्यस्तै आज राति देशभर सामान्य देखि पूर्ण बदलि रहि धेरै स्थानहरूमा मेघगर्जन, चट्याङ र हावाहुरी सहित हल्का देखि मध्यम पानी पर्ने सम्भावना रहेको छ। देश १, प्रदेश २, बाग्मती, गण्डकी र लुम्बिनी प्रदेशका केहि स्थानहरूमा ठुलो पानी पर्ने सम्भावना रहेको छ ।