शेरधनलाई 'बलात्कारी' भनेपछि पक्राउ परिन बालिका खड्का !

कोरखबर ९ बैशाख, २०७८

९ बैशाख, काठमाडौं । नेकपा एमालेको कार्यालय थापाथलीबाट प्रहरीले बालिका खड्कालाई पक्राउ गरेको छ । प्रधानमन्त्री केपी शर्मा ओली सहितका नेता पार्टी कार्यालय निरीक्षणमा गएको बेला गाली गर्न थालेपछि प्रहरीले उनलाई पक्राउ गरेको हो ।

काठमाडौंका प्रवक्ता (एसपी) रमेश बस्नेतका अनुसार मुख छाडेको आरोपमा उनलाई पक्राउ गरिएको हो। खड्काले प्रदेश एकका मुख्यमन्त्री शेरधन राईलाई ‘बलात्कारी’भन्दै मुख छाडेकी थिइन् । उनलाई महानगरीय प्रहरी वृत्त सिंहदरबारमा राखिएको छ।

उनले प्रदेश–१ का मुख्यमन्त्री शेरधन राईले आफूलाई बिचल्ली बनाएको आरोप लगाउँदै आएकी छिन् । पार्टी कार्यालय निरीक्षणमा मुख्यमन्त्री राई पनि सहभागी थिए।