अछाममा मोबाइलले लियो किशोरीको ज्यान !

रासस १० चैत, २०७७

चैत १०, डोटी । चार्जमा जोडेर फिल्म हेर्ने क्रममा मोबाइल पड्किँदा अछाममा एक किशोरीको मृत्यु भएको छ ।

सुदूरपश्चिम प्रदेश प्रहरी कार्यालय दिपायलका सूचना अधिकारी तथा प्रहरी वरिष्ठ उपरीक्षक मुकेशकुमार सिंहका अनुसार जिल्लाको मङ्गलसेन नगरपालिका–१ की १५ वर्षीया सपना नाथको मोबाइल पड्किएर मृत्यु भएको हो ।

स्थानीय कुन्ति माध्यमिक विद्यालय कक्षा ६ मा अध्यनरत नाथ मोबाइल पड्किँदा गम्भीर घाइते भएकी थिईन् । उनको जिल्ला अस्पताल अछाममा उपचारका क्रममा आज मृत्यु भएको प्रहरीले जनाएको छ । रासस