चैत ८, धनगढी । डडेल्धुरामा श्रीमतीको मृत्यु भएको खबर लिएर प्रहरी कार्यालय पुगेका श्रीमान् पक्राउ परेका छन्। नवदुर्गा गाउँपालिका-५ ठाँटाबजारका २८ वर्षिय श्यामबहादुर साउद पक्राउ परेका हुन्।
उनी शनिबार बेलुका श्रीमती २८ वर्षीया मनिषा बेहोस भएको भन्दै प्रहरी चौकी पुगेका थिए।
डडेल्धुराका प्रहरी नायब उपरीक्षक महेन्द्र नेपालले उनीहरूबीच हानाहान भएको खुल्न आएपछि हत्या गरेको हुनसक्ने भन्दै श्रीमानलाई नियन्त्रणमा लिई अनुसन्धान भईरहेको बताए।
मृतकको कान र टाउकोमा चोट देखिएको उनले बताए। मृतकको शव पोष्टमार्टमका लागि डडेल्धुरा अस्पतालमा राखिएको उनले जानकारी दिए।
प्रदेश १
प्रदेश २
बागमती
गण्डकी
प्रदेश ५
कर्णाली
सुदूरपश्चिम