सत्तापक्षले नै अवरोध ग¥यो प्रदेश १ को संसद, अविश्वास प्रस्ताव पेश हुन सकेन् !

कोरखबर २५ माघ, २०७७

२५ माघ, विराटनगर । प्रदेश १ को प्रदेशसभा सत्तारुढ नेपाल कम्युनिस्ट पार्टीको केपी ओली समूहले अवरुद्ध गरेको छ । आइतबार दिउँसो अबेर गरी सुरु भएको बैठक नेकपा ओली समूहका सांसदहरुले अवरोध गरेका हुन् ।

मुख्यमन्त्री शेरधन राईविरुद्ध दाहाल–नेपाल समुहका सांसदले अविश्वासको प्रस्ताव टेवुल गर्ने चाल पाएपछि ओली समूहका सांसदले उठेर विरोध गरे । लगत्तै सभामुख प्रदीपकुमार भण्डारीले आगामी फागुन ९ गतेसम्मका लागि बैठक स्थगित गरेका छन् ।

सत्तारुढ दलका सांसदले संसदीय दलका नेताले निलम्बन गरेका १६ जना सांसदलाई प्रवेश गर्न दिएको भन्दै वैठक अवरुद्ध गरेपछि अविश्वासको प्रस्ताव दर्ता हुन पाएन ।