पुष २९,काठमान्डौ । व्यक्ति हत्याको आरोपमा रामेछाप प्रहरीले एकजनालाई पक्राउ गरेको छ ।
जिल्लाको गोकुलगंगा गाउँपालिका-३ रस्नालु बस्ने ५३ वर्षीय मेरमान विकको कुटपिट गरी हत्या गरेको अभियोगमा सोही ठाउँ बस्ने ६५ वर्षीय साङगा शेर्पालाई प्रहरीले पक्राउ गरेको हो।
साङगाको दाईको बारी जोतेको स्थानमा गत शनिबार मेरमानले मादक पदार्थ सेवन गरी गाली गरेको बिषयमा साङगाले कुटपिट गर्दा मेरमान घाइते भएका थिए ।
घाईते मेरमानको मन्थली नगरपालिका-१ तामाकोशी अस्पताल हुँदै शिक्षण अस्पताल महाराजगञ्ज काठमाडौंमा थप उपचारको क्रममा मंगलबार राति मृत्यु भएको थियो। यस सम्बन्धमा स्थानीय प्रहरीले थप अनुसन्धान गरिरहेको छ।
प्रदेश १
प्रदेश २
बागमती
गण्डकी
प्रदेश ५
कर्णाली
सुदूरपश्चिम