काठमाडौंमा राप्रपाको प्रदर्शन,हिन्दु राष्ट्र र राजसंस्था पुनर्स्थापित गर्न माग !

 कोरखबर   १७ पौष, २०७७


पुष १७,काठमाडौं । राष्ट्रिय प्रजातन्त्र पार्टी (राप्रपा) ले काठमाडौंमा सरकारको विरोधमा प्रदर्शन गरेको छ । सरकारले पुस ५ गते गरेको संसद् विघटनको सिफारिस राष्ट्रपतिले अनुमोदन गरेसँगै राप्रपा पनि आन्दोलित बनेको हो ।

संसद् विघटनकै विरोधमा आज राप्रपाले काठमाडौंमा प्रदर्शन गरेको छ । विरोधपछि भएको सभामा राप्रपा अध्यक्ष कमल थापाले सर्वपक्षीय सम्मेलनमार्फत हिन्दु राष्ट्र र राजसंस्था पुनर्स्थापित गर्न माग गरेका छन् । नभए सडकबाटै आफ्ना मान्यता स्थापित गर्ने उनको चेतावनी छ ।

अध्यक्ष थापाले हिन्दु राष्ट्र र राजसंस्थाको पुनर्स्थापना अब राप्रपाको मात्र एजेण्डा नभएको बताए । उनले भने, ‘हिजो कठिन घडीमा राप्रपाले बोकेर हिड्यो होला । अब आम नेपालीको एजेण्डा बनिसकेको छ । कसैले चाहे पनि नचाहे पनि घरघरमा बहस हुन थालेको छ ।’

थापाले यदि हिन्दु राष्ट्र र राजसंस्थालाई पुनर्स्थापित गर्ने र संघीयतालाई पुनरावलोकन नगर्ने हो भने सडकबाटै आफ्ना मान्यता स्थपित गर्ने बताए । 



 प्रतिक्रिया


विज्ञापन

 


प्रकाशक : हरिराम रिमाल
सम्पादक : बद्री प्रसाद रिमाल
विभाग दर्ता नं. : ९७९-०७५-०७६
×
annapurna post