पुष ८, काठमाडौं । प्रतिनिधिसभा विघटनविरुद्ध परेका रिट निवेदनहरूमाथि आज सर्वोच्च अदालतमा सुनुवाई हुने भएको छ।
नेकपाका चार सांसदसहित विभिन्न व्यक्तिले दायर गरेका १३ वटामध्ये १२ वटा रिटमाथि आज प्रधानन्यायाधीश चोलेन्द्र शम्सेर राणाको एकल इजलासमा सुनुवाई हुने सर्वोच्च अदालतका प्रवक्ता भद्रकाली पोखरेलले जानकारी दिए। एउटा रिटको भने संवैधानिक इजलासमा सुनवाई हुनेछ। त्यसको पेशी शुक्रबारका लागि तोकिएको प्रवक्ता पोखरेलले बताए।
हिजो नेकपा सांसदहरू देव गुरुङ, कृष्णभक्त पोखरेल, शशी श्रेष्ठ र रामकुमारी झाँक्रीले पनि संसद विघटनको निर्णयले ५ वर्षसम्म प्रतिनिधित्व गर्ने हकबाट बञ्चित भएको भन्दै राष्ट्रपति, प्रधानमन्त्री र सभामुखलाई विपक्षी बनाइ रिट दर्ता गरेका थियो। यो मुद्दाको पनि प्रधानन्यायाधीशको बेन्चमा परेको छ।
प्रदेश १
प्रदेश २
बागमती
गण्डकी
प्रदेश ५
कर्णाली
सुदूरपश्चिम