पौष ६,काठमाडौं । प्रधानमन्त्री एवं नेकपाका अध्यक्ष केपी ओलीले पुष्पकमल दाहाल प्रचण्डले आफुलाई कारवाही गर्ने विषय आफैमा हास्यास्पद विषय भएको बताएका छन् ।
विघटित संसदका आफु निकटका सांसदहरुको वालुवाटारमा आयोजित भेलामा उनले पार्टी एकता अघि हैसियत नै नभएका र आफैले बढी हैसियत दिएर ल्याएका नेता प्रचण्डले आफूलाई कारवाही गर्ने विषय हास्यास्पद भएको जनाएका हुन् ।
भेलामा सहभागि नेकपाका केन्द्रिय सदस्य एवं पूर्वमन्त्री महेश बस्नेतले भेलामा ओलीले भनेका विषय उदृध गर्दै भने ‘पार्टी एकता प्रकृया चित्त बुझाउन प्रचण्डलाई अध्यक्ष दिइयो नत्र उनको हैसियत जनमतका हिसावले उपाध्यक्ष नै हो । त्यसैले उपाध्यक्षले आयोजना गरेको बैठकको कुनै बैधानिक हैसियत हुँदैन । सभामुखले डाकेको संसदीय दलको बैठक पनि हैसियत हुँदैन् । संसद विघटित भइसकेका पछि संसदीय दलको बैठक राख्न पाइदैन । डाके पनि संसदीय दलको नेताले बैठक राख्ने हो ।’
प्रधानमन्त्री ओलीलाई उदृध गर्दै नेता बस्नेतले थप भने ‘आज नेपालको कम्युनिष्ट आन्दोलनमा प्रचण्डले केपी ओलीलाई कारवाही गर्ने विषय विश्व राजनीतिको रंगमञ्चमा गजबको प्रहर्शन भएको छ । नेपालको राजनीतिमा चासो राख्ने विश्वका मान्छेहरु यसलाई हेरेर हाँसेर बसेका छन् ।’
प्रधानमन्त्री ओलीले आफुले छिट्टै पार्टी कमिटिको बैठक राखेर आवश्यक कदम चाल्ने बताएको नेता वस्नेतले जनाए ।
प्रधानमन्त्रीले भेलामा भनेको उदृध गर्दै नेता बस्नेतले भने ‘अब म पार्टी कमिटिको आधिकारिक आधिकारिक बैठक राखेर उचित निर्णय लिन्छ तपाईहरुलाई तुरुन्त खवर आउँछ तयारी अवस्थामा बस्नु होला ।’
प्रदेश १
प्रदेश २
बागमती
गण्डकी
प्रदेश ५
कर्णाली
सुदूरपश्चिम