पुस ५, काठमाडौं । प्रतिनिधिसभा विघटनपछिको राजनीतिक घटनाक्रम र सुरक्षा चुनौतीबारे प्रधानसेनापपति पूर्णचन्द्र थापाले उच्च सैन्य अधिकारीसँग छलफल गरिरहेका छन् । प्रधानसेनापति थापाले पृतनापतिहरुसँग भर्चुअल माध्यमबाट छलफल गरेका हुन् ।
विकसित घटनाक्रमबाट आउनसक्ने सम्भावित सुरक्षा चुनौतिबारे प्रधानसेनापती थापाले पृतनापतीहरुसँग छलफल गरिरहेको सैन्य प्रवक्ता सहायकरथी सन्तोष बल्लभ पौडेलले बताए ।
सैन्य प्रवक्ता पौडेलले भने–‘यस्तो छलफल नियमित पनि हुन्थ्यो, अहिले थप सुरक्षा चुनौती आउँछ कि भन्ने हो, त्यसबारे छलफल जारी छ ।’
छलफलमा नेपाली सेनाको ८ जना पृतनापति सहभागी छन् । विकसित राजनीतिक घटनाक्रम पछिको सुरक्षा परिस्थितीको सुक्ष्म निगरानी गर्न प्रधानसेनापति थापाले मातहतलाई निर्देशन दिएका छन् ।
प्रदेश १
प्रदेश २
बागमती
गण्डकी
प्रदेश ५
कर्णाली
सुदूरपश्चिम