पुस ५,काठमाडौं । प्रधानमन्त्री केपी शर्मा ओलीले संसद विघटनको प्रस्ताव ल्याएपछि नेपाली राजनीति तरंगित बनेको छ । नेपाल कम्युनिष्ट पार्टी (नेकपा) का कार्यकारी अध्यक्ष पुष्पकमल दाहाल ‘प्रचण्ड’ले देश र सरकारको विषयमा गम्भीर नहुदाँ संसद विघटन गर्ने प्रस्ताव ल्याउनु परेको प्रधानमन्त्रीले बताएको प्रधानमन्त्री निकट स्रोतले जानकारी दिएको छ ।
प्रधानमन्त्री ओलीले आइतबार बिहान प्रचण्डसँग अन्तिम वार्ता गर्दासमेत प्रचण्डले आफ्नो अडान नछाडेपछि संसद विघटनको प्रस्ताव ल्याएको ओली पक्षका एक मन्त्रीले बताए । देश र जनताको पक्षमा उभिएर प्रधानमन्त्री केपी शर्मा ओलीले संसद विघटन गर्ने निर्णय गरेको ती मन्त्रीको दावी छ ।
पार्टीको आन्तरिक विवादलाई सरकारमा लाने र सरकारलाई काम गर्न नदिएको ओली पक्षको आरोप छ ।
प्रचण्डसँगको अन्तिम वार्तापछि प्रधानमन्त्री ओलीले आकस्मिक मन्त्रिपरिषद् बैठक बोलाएका थिए । आफू निकट नेताहरुसँग छलफल गरेर यो प्रस्ताव ल्याएको ओली निकटका नेताहरुले जानकारी दिएका छन् ।
प्रदेश १
प्रदेश २
बागमती
गण्डकी
प्रदेश ५
कर्णाली
सुदूरपश्चिम